23-юми сентябри соли ҷорӣ дар маркази маъмурии вилояти Хатлон – шаҳри Бохтар мавсими нави театрӣ оғоз гардид. Дар ин рӯз дар театри вилоятии мусиқӣ – мазҳакавии ба номи Ато Муҳаммадҷонови шаҳри Бохтар аввалин намоишнома зери унвони “Қалби зан” пешкаши тамошобинон гардонида шуд.
Мавзуи асосии намоишнома аз зиндагии оилае қисса мекард, ки зану шавҳар тӯли зиндагии чандсолаи хеш бо ҳам муҳаббати дуруст накарда, пайваста ҷангу ҷанҷол мекарданд.
Аммо, вақте фарзандашон оиладор мешавад, меҳру садоқати келин нисбат ба шавҳараш хушдоманро бетаваҷҷуҳ намегузорад. Маҳз амалу рафтори келину писар оилаи зиндагии чандинсола доштаро вориди дунёи рангин ва романтикӣ мегардонад...
Дар толори театр муовини раиси вилояти Хатлон Фирӯза Шарифӣ ва дигар роҳбарони ташкилоту идораҳо барои тамошои намоишнома ҳузур доштанд. Дар охири намоишнома Фирӯза Шарифӣ суханронӣ намуда, ҷиҳати ҳунари волои ҳунармандон, мазмуну мундариҷаи намоишнома ва таъмини фароғати тамошобинон миннатдорӣ баён намуд.
Масъулини театри вилоятии мусиқӣ – мазҳакавии ба номи Ато Муҳаммадҷонови шаҳри Бохтар изҳор доштанд, ки бо хоҳиши ҳаводорони театр, метавонанд, пайваста намоишномаҳои пурмазмунро пешкаши тамошобин гардонанд.
Н. САИДАБРОР, “Хатлон”
21-12-2021, 12:16
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
13-07-2021, 03:29
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
23-12-2021, 16:14
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
2-07-2022, 08:08
Мавод танҳо барои касоне, ки ба ин масъала муносибати касбиву коршиносӣ доранд «… бегумон, матну...
26-01-2021, 14:00
