Шӯхиҳои «маҳфилоро»

Ба хотири рӯҳбаланд гардонидани хонандаи арҷманди рӯзномаи “Хатлон” чанде аз шӯхиҳои ҳаҷвнигорони гурӯҳи “Маҳфилоро”-и ноҳияи Ёвонро гирд овардем. 

“ЗНАК”

Абдураҳим Набиев, ҳунарпешаи театри халқии ноҳияи Ёвон, латифаи намакини хешро, ки аз ҳаёти ҳаррӯзаи мардум гирифтааст, тақдим кард:

Бобои Мерган ҳамроҳи наберааш Тупаланг ба шаҳри Душанбе мераванд. Аз Ёвон то Душанбе, бобои Мерган мошинро меронад, дар шаҳр расидан замон ба Тупаланг мегӯяд: «бачам, акнун дар дохили шаҳр ту мошинро рон». Тупаланг ҳайрон шуда мегӯяд, ки «бобо барои чӣ? Дар шаҳр мошин рондан осон-ку, ҳама знакҳо (аломатҳои роҳ) насб шудаанд, чароғакҳо фаъол...».

Бобои Мерган мегӯяд, ки «бачам, дуруст мегӯӣ, “знак”-ҳо мефаҳмонанд, лекин дар ин шаҳр гаштугузори “знак”-ҳоро мебинам, он “знак”-ҳои роҳ аз ёдам мераванд.

БОБОИ КЕДМАН

Ғайрати Ҷӯрахон, овозхони бахши фарҳанги ноҳияи Ёвон:

Бобои Кедман бемор мешавад. «Неъмат, падари дӯстам бемор шудааст», гуфта, ба хабаргириаш меравад. Шахсе дар роҳ Неъматро мебинаду мегӯяд:

-Ҳа, Неъматҷон тинҷист, дар ин гузарҳои мо?

-Бобои Кедман бемор шудааст, ба аёдаташ рафтам.

Бобои Кедман худаш бемор шудааст?

-э-не, дасташ.

МОШИНХАРӢ

Як мард ба ҳамсояаш мегӯяд: 

-Ҳамсояҷон, фардо ба мошинбозор рафта мошин гирифтан лозим.  

Ҳамсояи дигар ҳайрон шуда мегӯяд, ки мошинро чӣ кор мекунед?

-Барои писарам мехарам.

- Бачаи ту мошин ронда метавонад?

Мошинхар мегӯ-яд:

Фарқаш чӣ? Таксӣ зада ёд мегирад.

МУАЛЛИМ

Муаллим ба синфхона медарояд, ки хонандаҳо бо овози баланд бо якдигар суҳбат доранд.

Муаллим: «бачаҳо, хомӯш шавед!»

Бачаҳо гӯё муаллимро нашунида бошанд, идома медиҳанд.

Муаллим дубора дод зада мегӯяд:

«бачаҳо, намефаҳмед? Ба хомӯшӣ риоя кунед!»

Яке аз хонандаҳо ба муаллим мегӯяд: 

- Муаллимаҷон Шумо 45 дақиқа гап мезанед, мо ягончӣ мегӯем?

А. РИОЕВ ,
«Хатлон»