ИСТИҚЛОЛ

Эй дамида субҳи Истиқлолро,
Во магир аз дӯши мо ин болро.
Ин саодат, ин муҳаббат, ин баҳор,
Ин нишот, ин бахт, ин иқболро.
Ёд меоранд мардони ватан
Рустаму Исфандёру Золро.
Ҷуз Ватан ҳарфе надорам дар лабам,
Ман надорам дӯст қилу қолро.
Дар нигоҳи ошиқонат дидаам
Ваљдрову шӯрову ҳолро.
Аз тулуи офтоби меҳанам
Ман бигирам беҳтарин як фолро.
Партаваш оинадорӣ мекунад,
Рӯзгори нағзи беамсолро.
Кирдгоро, меҳрабони хосу ом,
Эй ки осон мекунӣ ишколро,
Гар дуое мекунем аз рӯи сидқ
Во бикун дарҳои истиқболро:
Барфизо бар умри истиқлоли мо
Садҳазорон рӯзу моҳу солро.

Озар САЛИМИЁН