Қаллобии вобаста ба фиристодан ба ҳаҷ ошкор шуд

Сокини 30-солаи ноҳияи Фархор ба гумони даст доштан дар қаллобӣ боздошт шуд. Вай ба ивази 180 ҳазор сомонӣ ба ду нафар ваъда додааст, ки ба онҳо дар адои маросими ҳаҷ ёрӣ мерасонад, лекин ба ваъдааш вафо накардааст.

январи соли ҷорӣ ба боварии сокини 27-солаи ноҳияи Ҷалолиддини Балхӣ даромада, аз ӯ 109 ҳазору 934 сомонӣ мегирад ва ваъда медиҳад, ки падару модари ӯро ба ҳаҷҷи фарзӣ мефиристад, лекин ваъдаашро иҷро намекунад.

Моҳи июни соли равон ӯ бо ҳамин тарз ба боварии марди 67-солаи ноҳияи Ҷалолиддини Балхӣ даромада, аз ӯ бо ваъдаи мусоидат барои ба

ҳаҷҷи фарзӣ фиристодан 70 ҳазор сомонӣ мегирад, вале боз ҳам ба ваъдааш вафо намекунад. Оид ба ин ҳодисаҳо тафтишот идома дорад.

Қобили зикр аст, ки имсол Арабистони Саудӣ барои адои маросими ҳаҷ ба шаҳрвандони Тоҷикистон 7 ҳазор квота ҷудо кард. Нархи сафари ҳаҷ имсол 59 ҳазор сомонӣ буд, ки нисбат ба соли 2022-юм 1520 сомонӣ арзонтар аст.