Кормандони рӯзномаи "Хатлон" ҳашари экологӣ гузарониданд

Имрӯз ҳайати кормандони рӯзномаи "Хатлон" дар доираи як иқдоми созанда ба шанбегӣ баромада, гирду атрофи идора ва утоқҳои кориро бо гулу буттаҳои ороишӣ зебо намуданд. Дар ин маъракаи экологӣ роҳбари идора ва ҳамаи кормандон фаъолона иштирок карданд.

Гулҳои мавсимӣ ва буттаҳои ороишӣ, ки шинонида шуданд, фазои кориро тозаю зебо намуда, ба муҳити атроф зебоии иловагӣ бахшиданд. Ҳадафи ин ташаббус на танҳо ободонии муҳити корӣ, балки баланд бардоштани фарҳанги ҳифзи табиат миёни кормандон буд.

Кормандони рӯзнома қайд карданд, ки чунин ҳашарҳои созанда ҳамраъйии коллектив ва муҳаббат ба табиатро тақвият мебахшанд. "Тозаю зебо нигоҳ доштани муҳити корӣ яке аз вазифаҳои муҳими ҳар як шаҳрванд аст," - таъкид намуд сармуҳаррир идора.

Иқдоми мазкур ҳамчун намунаи ибрат барои дигар муассисаҳо низ хизмат хоҳад кард.