ТАҶЛИЛИ РӮЗИ БАЙНАЛМИЛАЛИИ ҲИФЗИ МУҲИТИ ЗИСТ ДАР ХАТЛОН

Шоми имрӯз, 5 июн, дар маркази маъмурии вилояти Хатлон - шаҳри Бохтар бахшида ба Рӯзи умумиҷаҳонии ҳифзи муҳити зист чорабинии бошукӯҳ баргузор гардид.

Дар ин ҳамоиш муовини аввали раиси вилояти Хатлон Музаффар Мирзозода, муовини раиси Кумитаи ҳифзи муҳити зисти назди Ҳукумати Ҷумҳурии Тоҷикистон Раҳмонзода Лоиқ Шералӣ ва дигар фаъолон иштирок намуданд.

Зимни суханронӣ баромадкунандагон таъкид доштанд, ки ҳифзи муҳити зист барои зиндагии солим ва ояндаи дурахшони инсоният аҳамияти калон дорад. Қайд гардид, ки ҳар як шаҳрванд бояд табиатро дӯст дорад, дарахт шинонад ва кӯчаву маҳалҳоро тоза нигоҳ дорад. Ифлосшавии ҳаво ва об ба саломатии инсон ва ҳайвонот таъсири манфӣ мерасонад. Агар ҳар як шахс нисбат ба муҳити зист ғамхорӣ намояд, сайёраи мо ҳамеша зебо ва ободу сарсабз боқӣ хоҳад монд.

Дар идомаи чорабинӣ ба як қатор фаъолони соҳа аз ҷониби Кумитаи ҳифзи муҳити зисти назди Ҳукумати Ҷумҳурии Тоҷикистон ифтихорнома ва туҳфаҳои пулӣ тақдим карда шуд.

Барномаи фарҳангӣ иборат аз суруду таронаҳои дилнишин ба чорабинии бошукуҳ ҳусни анҷом бахшид.