180 НАМУДИ ХАНДА

Кайҳост, ки якуми апрелро мардум ҳамчун Рӯзи ханда қабул кардаанд. Доир ба таъсири мусбати ханда ба инсон якчанд далелро пешниҳоди шумо-хонандаҳои гиромӣ, мегардонем.

Хандаи солим инъикоси тавозуни солимии эмотсионалӣ ва ҷисмонӣ мебошад. Ханда дар баробари меҳрубонӣ яке аз аксуламалҳои аҷоибтарин ва стихиявии мост. Ғайр аз ин, он яке аз хусусиятҳои зебост, ки моро аз дигар мавҷудоти зинда фарқ мекунад.

Вақте ки мо механдем, воқеан, эҳсосоти амиқ ва тозагии ҷони худро нишон медиҳем. Дар маҷмӯъ, ягон иборае вуҷуд надорад, ки ҳиссиёти моро беҳтар баён кунад.

Ба ақидаи Пабло Неруда ханда забони ҷон аст. Барои Матизо ханда яке аз абзори самимӣ ба ҳисоб меравад, ки ба мо имкон медиҳад муошират кунем, дар он инчунин, нигоҳи мо, навозишҳо ё ҳатто гиряи мо низ ҳаст. Аммо, баъзан касе, ки бештар механдад, ҳамон касест, ки аз дарун бештар гиря мекунад.

Ханда чанд навъ мешавад: хандидан аз хушбахтӣ, ханда аз ҳаҷв, ханда бо ҳасрат, хандидан аз ҳамдигарфаҳмӣ ханда аз асабоният...

Илова бар ин, ханда бо ҳолатҳои ғамгинӣ ва инчунин, фишори ҳаррӯза мубориза мебарад. Он, ҳамчунин, шарм ва тарсро коҳиш дода, худбоварӣ ва эътимодро ба худ баланд мекунад. Ҳатто системаи масуниятро тақвият мебахшад: шуш ва қалб аз он манфиат мегиранд, зеро фишори хун муътадил ва мушакҳо ором мегиранд.

Ханда инчунин, роҳи хуби пур кардани парҳези сӯзонидани калория ва тобиши пӯст мебошад. Аз ин рӯ, терапияи ханда вуҷуд дорад. Чунин ақида аст, ки хандаи солим тавозуни солими ҷисмонӣ ва эмотсионалиро таъмин мекунад. Ин чиз воқеан аҷиб аст. Ханда на танҳо барои мо сухан мегӯяд ва ба мо манфиатҳои шахсӣ медиҳад, балки ба онҳое, ки онро дарк мекунанд, низ таъсир мерасонад. Ҳамин тавр, ханда қодир аст итминон диҳад, шифо бахшад, қавидил созад ва ҳатто ба оғӯш кашад. Мегӯянд, ки 180 намуди ханда вуҷуд дорад.

Дар Иёлоти Муттаҳида якчанд марказҳо мавҷуданд, ки фаъолияташон ба терапияи ханда нигаронида шудаанд. Бисёре аз беморхонаҳо масхарабозон ва аниматорҳо доранд, зеро онҳо ба беморон хушбахтӣ ва хурсандӣ меоранд. Терапияи ханда низ дар Испания маъмул гаштааст (дар он ҷо гурӯҳҳои масхарабозоне ҳастанд, ки махсус барои ташриф овардан ба беморхонаҳо ташкил ёфтаанд), инчунин, дар Амрикои Ҷанубӣ. Ҳатто баъзе озмоишгоҳҳо барои ханда- табобат ба беморони худ сарпарастӣ мекунанд.

Бисёр ширкатҳо ва мактабҳо семинарҳои терапияи Laugher-ро бомуваффақият баргузор мекунанд. Дар рӯзҳои бахшида ба тандурустӣ, варзиш ва оила суҳбатҳои хандаовар баргузор мешаванд, ки дар онҳо зиёда аз 2000 нафар иштирок мекунанд. Чаро ханда ин қадар маъмул гаштааст? Танҳо аз он сабаб ки ханда умрро дароз мекунад. Ханда табъи инсонро болида мегардонад, ба сабукӣ ва пешгирии бемориҳо мусоидат мекунад.

Масалан, беморони ВНМО ва саратон дар ҳолати табъи хубтар ба табобат вокуниш нишон медиҳанд. Дар асл, якчанд беморхона дар Фаронса, Швейтсария, Канада, Ҷопон ва Иёлоти Муттаҳида ин беморонро бо ҷаласаҳои терапияи ханда, табобат мекунанд.

Терапияи ханда фишори хун ва ҷудо шудани гормонҳои ба ном серотонин, допамин, адреналин, эндорфинро беҳтар мекунад. Вақте ки ба шумо ин гармонҳо намерасад, шумо ғамгин, ноумед, меланхолик ва хира мешавед.

Манфиатҳои асосии табобати ханда инҳоянд (дар сатҳи психологӣ):

- барои бо изтироб мубориза бурдан тавассути истироҳат ва нафаскашӣ кумак мекунад;

- стрессро аз ҳисоби ҷудо шудани гармонҳои хушбахтӣ коҳиш медиҳад;

- метавонад депрессияро рафъ кунад, зеро он ба одамон кумак мекунад, ки ба ҳаёт назари мусбӣ дошта бошанд;

- мубориза бо дементия, суст кардани нишонаҳои онро таъмин менамояд.

Тавре мебинед, терапияи ханда метавонад барои солимии рӯҳ кумак расонад. Аз ин рӯ, бикӯшед, то табассум ҳеҷ гоҳ лабонатонро тарк насозад ва бештар бихандеду шод бошед.