Дастгирии ғизодиҳӣ бо шири модар

Ҳамасола моҳи август дар Ҷумҳурии Тоҷикистон маъракаи Даҳаи кӯмак ва дастгирии ғизодиҳӣ бо шири модар гузаронида мешавад. Соли равон ин чорабинии сатҳи ҷаҳонӣ таҳти шиори “Фароҳам овардани шароити мусоид барои синамаконӣ дар ҷойи кор” баргузор мегардад.

Мутобиқи маълумоти пажӯҳишҳо, беҳтаргардонии амалияи синамаконӣ ҳамасола метавонад 823 ҳазор ҳодисаи фавти кӯдакони то панҷсоларо пешгирӣ намояд. Соли равон бо мақсади ҷалби таваҷҷуҳи фаъоли табақаҳои гуногуни аҳолӣ, махсусан модарон, падарон, бобову бибиён ва парасторон ин чорабинӣ аз 1-ум то 25-уми август идома меёбад.