Баҳри пешгирӣ ва роҳ надодан ба ҳодисаҳои сӯхтор дар мавсими тирамоҳу зимистони солҳои 2022-2023, вазъи бехатарӣ аз сӯхтор дар 3560 идораю ташкилот, муассисаҳо, бозору марказҳои калони савдо, нуқтаҳои фурӯши сӯзишворӣ, зеристгоҳҳои барқӣ, биноҳои баландошёна ва биною иншооти муҳим мавриди санҷиш қарор гирифтааст.
Аз хадамоти оташнишонии вилоят ба рӯзномаи “Хатлон” иттиллоъ доданд, ки барои бартараф намудани камбудиҳои ҷойдошта, ба роҳбарони иншооти дар боло зикргардида амрномаҳои мақомоти назорати давлатии зидди сӯхтор бо номгӯи чорабиниҳои мушаххас супорида, корҳои фаҳмондадиҳӣ ва дастурҳои судманд дода шудааст.
Дар рафти санҷиш барои бемасъулиятӣ нисбат ба вайронкунандагони қоидаҳои бехатарӣ аз сӯхтор 1955 протоколи ҳуқуқвайронкунии маъмурӣ тартиб дода, ба маблағи 261 ҳазору 159 сомонӣ ҷаримабандӣ шудааст. “Барои дар ҳолати ғайриқаноатбахш қарор доштан, таъмин накардани амрномаҳои мақомоти назорати давлатии бехатарӣ аз сӯхтор фаъолияти 139 иншоот, 412 бинои алоҳида муваққатан боз дошта, 6181 таҷҳизоти барқие, ки хавфи сар задани сӯхторро доштанд, безарар гардонида шуд”, - зикр кард манбаи хабар.
http://khatlon-ruznoma.tj/
21-12-2021, 12:16
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
13-07-2021, 03:29
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
23-12-2021, 16:14
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
2-07-2022, 08:08
Мавод танҳо барои касоне, ки ба ин масъала муносибати касбиву коршиносӣ доранд «… бегумон, матну...
26-01-2021, 14:00
