Эмомалӣ Раҳмон ва Соли байналмилалии ҳифзи пиряхҳо – 2025
Солномаи Пешвои миллат бо номи “Эмомалӣ Раҳмон ва Соли байналмилалии ҳифзи пиряхҳо – 2025” дар...
5-02-2026, 11:34
РАИСИ ВИЛОЯТИ ХАТЛОН АЗ РАФТИ ҶАМЪОВАРИИ ПИЁЗИ БАРВАҚТӢ ДАР НОҲИЯИ ҶАЙҲУН БОЗДИД НАМУДАНД
Имрӯз, 7 май, раиси вилояти Хатлон Давлаталӣ Саид зимни сафари корӣ ба ноҳияи Ҷайҳун аз рафти ҷамъоварии ҳосили пиёзи барвақтӣ дар хоҷагии деҳқонии «Саид» боздид намуданд.
Зимни боздид иттилоъ дода шуд, ки хоҷагии деҳқонии «Саид» дар деҳаи Айнӣ, ҷамоати деҳоти Панҷи ноҳияи Ҷайҳун ҷойгир буда, дар масоҳати умумии 3 гектар замин фаъолияти кишоварзӣ ба роҳ мондааст.
Роҳбарии хоҷагиро Саид Маҳмадшоев ба уҳда дошта, хоҷагии мазкур аз 5 нафар саҳмгузор иборат мебошад. Ба гуфтаи масъулин, заминҳои хоҷагӣ самаранок истифода шуда, дар 1,30 гектар пиёзи барвақтӣ ва дар 1,70 гектари боқимонда зироатҳои полезӣ кишт карда шудаанд.
Иттилоъ дода шуд, ки ҳосилнокии пиёзи барвақтӣ дар хоҷагӣ то 500 сентнер аз ҳар гектарро ташкил медиҳад, ки нишондиҳандаи хуби истеҳсолӣ ба ҳисоб меравад. Айни ҳол ҷамъоварии ҳосил муташаккилона идома дошта, аллакай дар ду мошини боркаш маҳсулот барои содирот омода ва боргирӣ шуда истодааст.
Раиси вилояти Хатлон зимни суҳбат бо деҳқонон аз истифодаи самараноки замин, риояи агротехникаи кишт ва ба даст овардани ҳосили фаровон изҳори қаноатмандӣ намуда, таъкид карданд, ки истифодаи оқилонаи ҳар ваҷаб замин, афзоиши истеҳсоли маҳсулоти кишоварзӣ ва рушди иқтидори содиротӣ аз самтҳои муҳими сиёсати аграрии давлат ба ҳисоб меравад.
Ҳамзамон ба масъулини соҳа ва кишоварзон ҷиҳати боз ҳам баланд бардоштани ҳосилнокӣ, истифодаи таҷрибаи пешқадам ва таъмини бозорҳои дохиливу хориҷӣ бо маҳсулоти хушсифати ватанӣ дастуру тавсияҳои мушаххас дода шуданд.
Набиҷони Саидаброр, "Хатлон"
Дигар хабарҳо
-
5-02-2026, 11:34
-
21-12-2021, 12:16
Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» 21.12.2021 13:10, шаҳри Душанбе
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
-
23-12-2021, 16:14
Соли вусъати корҳои ободониву созандагӣ
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
-
9-03-2024, 16:45
Суханронӣ дар мулоқот бо фаъолон, намояндагони ҷомеа ва ходимони дини кишвар
Ҳамватанони азиз!Муҳтарам фаъолону намояндагони ҷомеа ва ходимони дин!...
-
13-07-2021, 03:29
МАЪРӮЗАИ Раиси Кумитаи телевизион ва радиои назди Ҳукумати Ҷумҳурии Тоҷикистоноид ба ҷамъбасти натиҷаҳои фаъолият Кумитаи телевизион ва радиои назди Ҳукумати ҶТ
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
