НАВРӮЗ - ҶАШНИ ШОДИЮ ЭҶОД ДАР РӮЗНОМАИ «ХАТЛОН»

Дар фазои пурнишоти баҳорӣ аҳли эҷоди рӯзномаи «Хатлон» ҷашни байналмилалии Наврӯзро бо шукӯҳу шаҳомати хоса таҷлил намуданд. Кормандон бо либосҳои миллӣ, ороиши идона ва дастурхони пурнозу неъмат ҳусни ҷашнро дучанд афзуданд.

Дар ҷараёни тантана барномаҳои ҷолиби фарҳангӣ, рақсу таронаҳои дилнишин фазоро пур аз шодӣ намуд. Ҳамзамон, аҳли эҷод бо қироати шеърҳо ва суханрониҳои самимӣ аз арзишҳои баланди Наврӯз, ки сулҳу дӯстӣ, эҳё ва созандагист, ёдовар шуданд.

Ин ҷашни зебо бори дигар собит сохт, ки Наврӯз ҳамчун суннати дерина, барои аҳли эҷоди «Хатлон» манбаи илҳом ва неруи тоза дар фаъолияти минбаъдаи эҷодӣ мебошад.