РОҲҲОИ НАВИ РУШДИ МОҲИПАРВАРӢ БАРРАСӢ ШУДАНД

Имрӯз, 3 апрели соли 2026 дар маҷлисгоҳи Мақомоти иҷроияи ҳокимияти давлатии ноҳияи Мир Сайид Алии Ҳамадонӣ бо иштироки иҷрокунандаи вазифаи раиси ноҳия, олимону мутахассисони варзида аз Донишгоҳи аграрии Тоҷикистон ба номи Шириншоҳ Шоҳтемур, намояндагони Вазорати кишоварзии Ҷумҳурии Тоҷикистон, Академияи илмҳои кишоварзии Тоҷикистон ва роҳбарони хоҷагиҳои моҳипарварии ноҳия семинари илмию амалии минтақавӣ дар мавзуи “Роҳҳои афзун гардонидани истеҳсоли кирминамоҳӣ ва моҳича дар хоҷагиҳои моҳипарварии вилояти Хатлон” баргузор гардид.

Семинари мазкурро иҷрокунандаи вазифаи раиси ноҳия Набизода Фаррух ифтитоҳ намуда, меҳмонон ва иштирокчиёни чорабиниро хайрамақдам гуфт.