ДАР ДДБ ОЗМОИШГОҲИ “ЗООЛОГИЯ” ВА “БОТАНИКА” ИФТИТОҲ ЁФТ

Дар арафаи таҷлили ҷашни байналмилалии Наврӯз дар Донишгоҳи давлатии Бохтар ба номи Носири Хусрав озмоишгоҳҳои муосири “Зоология” ва “Ботаника” мавриди истифода қарор дода шуданд.

Дар ин хусус аз Маркази таҳлили-итилоотии донишгоҳ ба рӯзномаи «Хатлон» хабар доданд.

Гуфта мешавад, ки таъсиси чунин шароити муосири таълимӣ барои дар амал татбиқ намудани донишҳои назариявии омӯзгорону донишҷӯён, бахусус факултети химия ва биология, аҳамияти калон дорад.

Ба итилоъи манбаъ змоишгоҳи мазкур бо таҷҳизоти ҳозиразамон муҷаҳҳаз буда, ҷавобгӯ ба талаботи имрӯза мебошанд. Минбаъд машғулиятҳои амалии донишҷӯён дар шароити мусоид ва бо истифода аз имкониятҳои муосир баргузор мегарданд.

Набиҷони Саидаброр, “Хатлон”