САҲМИ СОКИНОН ВА СОҲИБКОРОНИ ВАТАНӢ ДАР ТАЪМИНИ ҲАДАФҲОИ СТРАТЕГӢ

Раҳоӣ аз бунбасти коммуникатсионӣ яке аз ҳадафҳои асосии Ҳукумати мамлакат буда, сохтмони роҳҳову пулҳо ҳамеша зери таваҷҷуҳи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад.

Дар доираи ҳидоятҳои Пешвои миллат ва бо дастгирии раиси вилояти Хатлон, роҳбари гурӯҳи кории Ҳукумати Ҷумҳурии Тоҷикистон дар шаҳри Кӯлоб, корҳои созандагӣ дар остонаи ҷашни 35-солагии Истиқлол вусъат ёфта истодааст.

Бо ташаббуси соҳибкорон ва сокинони ватандӯст 1500 метр роҳи дохили деҳаи Хонаобод мумфарш шуда, айни замон роҳ байни деҳаҳои Хонаобод ва Таниёл таъмир мегардад. Зимни боздид аз ҷараёни корҳои мумфаршгардонӣ намояндаи Ҳукумати ҷумҳурӣ ва мақомоти иҷроияи ҳокимияти давлатии шаҳр ба масъулин дастуру супоришҳои мушаххас дода, зарурати анҷоми босифати корҳои роҳсозиро таъкид намуданд.

Сокинон ин иқдомҳоро нишонаи ваҳдату ҳамдилӣ ва самараи сиёсати созандаи Пешвои миллат арзёбӣ мекунанд.

Умарҷон ТОШМАТОВ,

«Хатлон»