Рӯзномаи Хатлон » Ҳокимияти давлати » Наҷоти се кӯҳгард дар ноҳияи Дӯстӣ: онҳо роҳи поин омаданро намеёфтанд


Наҷоти се кӯҳгард дар ноҳияи Дӯстӣ: онҳо роҳи поин омаданро намеёфтанд




Дӯстӣ, 15 феврал – Имдодгарони Кумитаи ҳолатҳои фавқулодда ва мудофиаи гражданӣ (КҲФ) дар вилояти Хатлон се кӯҳгардро, ки дар кӯҳҳои ноҳияи Дӯстӣ раҳгум зада буданд, наҷот доданд.

Ба гуфтаи масъулони КҲФ, рӯзи 14 феврал, тахминан соати 20:43, ба қисми навбатдорӣ хабар расид, ки се узви як оила аз деҳаи Энгелси ҷамоати деҳоти Ҳалеварди ноҳияи Ҷалолиддини Балхӣ дар баландии 2300 метр аз сатҳи баҳр роҳи бозгаштро намеёбанд.

Гурӯҳи наҷот бо истифода аз таҷҳизоти махсус ҷустуҷӯро оғоз карда, дар соати 00:50 дақиқаи 15 феврал онҳоро пайдо намуданд ва ба маҳалли бехатар расонданд.

КҲФ аз шаҳрвандон даъват мекунад, ки ҳангоми кӯҳгардӣ масирҳои бехатарро интихоб кунанд ва қабл аз сафар бо қоидаҳои кӯҳгардӣ шинос шаванд, то аз ҳолатҳои хатарнок пешгирӣ шавад.

Сарчашма: КҲФ Тоҷикистон

Дигар хабарҳо

хабарҳои охир

Яндекс.Метрика

Муассис:

МАҚОМОТИ ИҶРОИЯИ ҲОКИМИЯТИ ДАВЛАТИИ ВИЛОЯТИ ХАТЛОН

САРМУҲАРРИР

Носирҷон Маъмурзода