ИСТИҚЛОЛ

Рӯзгори сабзу хуррам бошад Истиқлол,
Азми беандоза ҳар дам бошад Истиқлол.
Ҳамчу оби тозаву боду ҳавои худ,
Дар ҳама паҳнои олам бошад Истиқлол.
Хонаи ободу хони пур зи файз умре,
Заркалиди бахти одам бошад Истиқлол.
Ҷанги бадру доимо дар қасди зебоист,
Чирагӣ бар аҳди адҳам бошад Истиқлол.
Руҳи аҷдоди худиро шод бинмудем,
Ояҳои қудси ардам бошад Истиқлол.
Ҳамватан, бодо муборак, худшиносият,
Сӯи фардо гоми бардам бошад Истиқлол.
Хосият, шеъри ту ҳам бо хушнавоияш
Чун расад бар гӯш форам, бошад Истиқлол!

Хосият ВАЛИЗОДА