"Корвони дидор" гурӯҳи модаронро ба вилояти Суғд мебарад

Муҳаррир: Суҳроби Рустам аз 06 сентябр, Бахш: Ҳокимияти давлати / Слайдер / Матлабҳои охирин / Хабари рӯз / Ҳаёти иҷтимоӣ / Хабарҳо, Боздид 194

Имрӯз, 5 сентябр, гурӯҳе аз модарони Хатлон дар даст кулчаю фатир ва савғотӣ ба вилояти Суғд сафарбар гардиданд. Ин гурӯҳи модарон ба дидорбинии фарзандонашон ба қисмҳои ҳарбӣ мераванд.

Иқдом бо дастури раиси вилоят Давлаталӣ Саид аз ҷониби Раёсати кор бо ҷавонон ва варзиши вилояти Хатлон ташкилу роҳандозӣ гардидааст.

Масъулин мақсад аз баргузории корвони мазкурро аз наздик ошноӣ пайдо кардани волидон аз шарту шароити хизматчиёни ҳарбӣ ва дидори фарзандон унвон карданд.

Хабарнигори рӯзномаи "Хатлон" онҳоро ҳамроҳӣ мекунад, ки аз ҷараёни сафар гузориш хоҳад дод.