Чанд шаҳрванди хориҷӣ дар Хатлон кор мекунад?

Дар шаҳру ноҳияҳои вилояти Хатлон 34 субъекти хоҷагидорӣ, ки иҷозаи ҷалби қувваи кории хориҷиро доранд, ба қайд гирифта шудааст. Дар ин бора аз Раёсати Хадамоти муҳоҷират дар вилоят ба рӯзномаи «Хатлон» хабар доданд.

Аз аввали сол дар ҳудуди вилояти Хатлон ба 71 нафар шаҳрванди хориҷӣ иҷозатнома барои кор дода шуда, дар субъектҳои хоҷагидорӣ 720 нафар хориҷиён кор мекунанд. Ба иттилои манбаъ, дар ҳамин 34 ширкате, ки хориҷиён кор мекунанд, ҳамзамон 6 ҳазору 292 на-фар сокинони маҳаллӣ низ кор мекунанд.