Сарфи 55,5 миллион сомонӣ барои таъмири роҳҳо

Нимаи якуми соли 2024 дар миқёси вилояти Хатлон ҷамъан ба масофаи 1727 километр роҳҳо таъмиру азнавсозӣ шудааст.

Дар шуъбаи нақлиёт ва коммуникатсияи дастгоҳи раиси вилоят зимни тасдиқи ин хабар ба рӯзномаи «Хатлон» гуфтанд, ки барои таъмиру тармими роҳҳо 55,5 миллион сомонӣ сарф шудааст, ки нисбат ба ҳамин давраи соли 2023 ба маблағи 13,6 миллион сомонӣ зиёд мебошад.

Инчунин, бо саҳми аҳолӣ 45,5 километр роҳ таъмири асосӣ, 5,2 километр таъмири ҷорӣ, 119 километр сангфарш ва 17 пулу қубур таъ-миру азнавсозӣ шуд. Дар ин давра аз ҷониби муассисаҳои давлатии роҳнигоҳдории шаҳру ноҳияҳо бо ҷалби соҳибкорони ватанӣ 45 адад пулу қубурҳо таъмиру азнавсозӣ гардид.