ҶАЛАСАИ ҲАЙАТИ МУШОВАРАИ ПРОКУРАТУРАИ ВИЛОЯТИ ХАТЛОН ДОИР ШУД

Имрӯз, 4 июл, дар шаҳри Бохтар ҷаласаи ҳайати мушовараи прокуратураи вилояти Хатлон таҳти роҳбарии прокурори вилоят Аваз Назарзода, бо иштироки муовини якуми прокурори генералии Ҷумҳурии Тоҷикистон Умед Каримзода доир гардид.

Дар он масъалаҳои мубрами ҷомеа ва фаъолияти прокуратураи вилояти Хатлон таҳлилу баррасӣ гардид. Қайд карда шуд, ки дар семоҳаи аввали соли 2024 вобаста ба ҳолати риоя ва иҷрои талаботи қонунгузории ҷорӣ 1219 санҷиш гузаронида шуда, аз натиҷаи онҳо ҳамагӣ 23537 қонунвайронкунӣ ошкор гардид, ки нисбат ба ҳамин давраи соли гузашта 1286 ҳолат зиёд мебошад.