Бохтар “масъалаи партовҳо”-ро бо кӯмаки оператори алоқа ҳал менамояд
Муҳаррир: Суҳроби Рустам аз 21 июн, Бахш: Ҳокимияти давлати / Слайдер / Матлабҳои охирин / Хабари рӯз / Ҳаёти иҷтимоӣ / Фарҳанг ва адабиёт / Хабарҳо, Боздид 188
![]()
Якчанд мотороллерҳо парки навшудаи техникаро, ки бо ёрии он хадамоти ободонӣ партовҳоро аз кӯчаҳои Бохтар берун меорад, пурра карданд. Мотороллерҳоро ба шаҳр ширкати “МегаФон Тоҷикистон” ҳадя намуд.
Вазъи тозакунии шаҳр аз партовҳо ба воридшавии муроҷиатҳои сокинон ба мақомоти давлатӣ боис гардидааст. Сабаби мушкилиҳо аз кор баромадани техникаи кӯҳнашудаи партовтозакунӣ мебошад. Алҳол аз ҷониби ҳукумат мошинҳои нави махсус харида шудаанд. Ба ғайр аз ин, ба шаҳр нафарони хайркунанда низ кӯмак мерасонанд.
“Кормандони хадамоти коммуналиро зарур аст, ки на танҳо партовҳоро берун оранд, балки ин корро ба зудӣ анҷом диҳанд. Барои ҳамин мо қарор кардем, ки дар ин кор мусоидат карда, нақлиёти нисбатан “мобилӣ”-ро туҳфа кунем. Мотороллерҳо имкон медиҳанд, ки кӯчаҳо зудтар сайр карда шуда, аз партовҳо тоза карда шаванд. Кормандони ширкати мо ҳам мисли ҳамаи сокинони Бохтар аз дидани он, ки шаҳр тозатару зеботар мешавад, хеле хушҳол ҳастанд”, - мегӯяд директори раёсати минтақавии ширкати “МегаФон Тоҷикистон” дар вилояти Хатлон Маҷид САЙТАСАНОВ.
“Саҳми ширкати “МегаФон Тоҷикистон” – намунаи ибрат барои онҳоест, ки барои кӯмакрасонӣ дар ҳалли мушкилоти мубрами шаҳр омода ҳастанд. Кӯмакрасонӣ на бо гап, балки бо амал – дурнамои тиҷорати аз ҷиҳати иҷтимоӣ масъул бояд маҳз чунин бошад. Ташаккур ба оператор барои иқдом ва ёрии саривақтӣ!” – мегӯяд муовини раиси шаҳри Бохтар Ҷамшед Воҳидзода.
-
21-12-2021, 12:16
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
-
9-03-2024, 16:45
Ҳамватанони азиз!Муҳтарам фаъолону намояндагони ҷомеа ва ходимони дин!...
-
26-01-2021, 14:00
-
13-07-2021, 03:29
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
-
30-05-2024, 12:09
Муҳтарам олимону донишмандон!Ҳозирини гиромӣ!...