ВОСЕЪ: СОДИРОТИ 2680 ТОННА МАҲСУЛОТИ КИШОВАРЗӢ БА ХОРИҶИ КИШВАР

Дар ноҳияи Восеъ дар давоми соли 2023 ҳаҷми умумии маҳсулоти кишоварзӣ дар ҳамаи шаклҳои хоҷагидорӣ ба 1,9 миллиард сомонӣ расонида шуд, ки нисбати ҳамин давраи соли 2022, 24 милион сомонӣ зиёд гардида, 101,3%-ро ташкил медиҳад.

Соли 2023 дар ҳамаи шаклҳои хоҷагидорӣ дар майдони 28 170 гектар замин, аз ин 15 096 гектар ғалладонагиҳо аз ҷумла (гандум 13 490 га, ҷав 1064 га, лубиёгиҳо 223 га, ҷуворимаккаи дон 229 га), 8519 га зироатҳои техникӣ, аз он 7483 га пахта, 2078 га сабзавот, 963 га полезӣ, 695 га картошка ва 819 га зироатҳои хӯроки чорво кишт карда шуд,- гуфт зимни нишасти матбуотӣ раиси ноҳияи Восеъ Шарифзода Ҷамшед.

Ҳамзамон қайд намуд, ки аз тарафи кишоварзони ноҳия ба хориҷи кишвар 2680 т маҳсулоти кишоварзӣ содирот карда шуд, ки иҷроиши нақшаи солонаро 100 фоиз таъмин намуд.