Шумораи ҷавонони хатлонӣ ба 1 537043 нафар расид

Дар вилояти Хатлон шумораи ҷавонон 1 миллиону 537 ҳазору 43 нафарро ташкил медиҳад, ки аз ин шумора 522 ҳазору 658 нафарашон духтарон мебошанд. Дар ин бора Рамазон Насриддинзода, сардори Раёсати кор бо ҷавонон ва варзиши вилояти Хатлон, дар нишасти хабарӣ иттилоъ дод.

Зикр намуд, ки 600 нафар ҷавонони касбу кори гуногун, волонтёрон ба корхонаҳои саноатии шаҳри Бохтар, Левакант сафар карда, аз мавзеъҳои таърихии ноҳияҳои ҷанубии вилояти Хатлон дидан намуданд.

Теъдоди умумии майдончаҳои варзишӣ дар ҳудуди вилоят 3183 адад буда, теъдоди варзишгоҳҳо 40 адад, толорҳои варзишӣ 572 адад, ҳавзҳои шиноварӣ 38 адад, маҷмааи варзишӣ ва дигар намуди иншооти махсуси варзишӣ 231 ададро ташкил медиҳад.