Маҳфили идона ба муносибати Рӯзи маъюбон дар Бохтар
Муҳаррир: Суҳроби Рустам аз 07 июл, Бахш: Ҳокимияти давлати / Слайдер / Матлабҳои охирин / Хабари рӯз / Ҳаёти иҷтимоӣ / Хабарҳо, Боздид 231
Бо ибтикори Мақомоти иҷроияи ҳокимияти давлатии шаҳри Бохтар ва соҳибкорони ватандӯст ба муносибати Рӯзи маъюбон ва пиронсолон (8 июл) дар тарабхонаи "Орзу"-и шаҳр маҳфили идона бо густурдани дастурхони идона ва базму суруд бо ширкати васеи нафарони дорои маъюбият барпо гардид.
Раиси шаҳри Бохтар Файзулло Баротзода зимни мулоқот бо иштирокдорон изҳор дошт, ки таваҷҷуҳу ғамхорӣ ба маъюбону пиронсолон, шахсони яккаву танҳо ва ба саробонӣ ниёздошта дар меҳвари сиёсати хирадмандонаи Президенти мамлакат муҳтарам Эмомалӣ Раҳмон қарор дорад.
- Ҳифзи иҷтимоии маъюбон, аз ҷумла, шахсони имконияташон маҳдуд яке аз самтҳои муҳим ва асосии сиёсати иҷтимоии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳисоб меравад, - афзуд раиси шаҳр. - Аз замони ба даст овардани истиқлолият то имрӯз тамоми талошҳои Ҳукумати Ҷумҳурии Тоҷикистон баҳри таъмини кафолатҳои иҷтимоии мардум, хусусан маъюбон равона гардида, дар ҷумҳурӣ заминаи ҳуқуқии ҳифзи иҷтимоии маъюбон пурра таҳия ва мавриди амал қарор дода шудааст.
![]()
Дар идома як қатор фаъолон барои саҳми арзанда гузоштан дар ҳаёти нафарони имконияташон маҳдуд бахшида ба Рӯзи маъюбон дар Тоҷикистон бо Сипоснома сарфароз гардонида шуданд.
Намояндагони ҷамъиятҳои маъюбон суханронӣ карда, миннатдории хешро барои ташкили чунин иқдоми хайрхоҳона баён доштанд.
Ҳамзамон барномаи пурмуҳтавои овозхонҳои бахши фарҳанги шаҳри Бохтар пешниҳоди ҳозирин гардонида шуд.
Қобили зикр аст, ки бахшида ба Рӯзи маъюбон ва пиронсолон дар шаҳру ноҳияҳои дигари вилояти Хатлон низ барномаҳои фарҳангию фароғатӣ доир мешаванд.
Абдулло Риоев, рӯзномаи "Хатлон"
-
13-07-2021, 03:29
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
-
21-12-2021, 12:16
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
-
23-12-2021, 16:14
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
-
26-01-2021, 14:00
-
2-07-2022, 08:08
Мавод танҳо барои касоне, ки ба ин масъала муносибати касбиву коршиносӣ доранд «… бегумон, матну...
