1,9 миллион нафар алайҳи “COVID-19” ваксина гирифтанд

То рӯзи 1 апрели соли ҷорӣ дар вилояти Хатлон қариб 1,9 миллион нафар вояи якумро алайҳи бемории сироятии “КОВИД-19” гирифтаанд.

Тавре ки ба рӯзномаи “Хатлон” аз Раёсати тандурустии вилоят иттилоъ доданд, то имрӯз ҳамчунин бо вояи дуюм 1 миллиону 834 ҳазору 932 нафар (98,5%), бо вояи сеюм 1 миллиону 823 ҳазору 189 нафар (92,9%) ва бо вояи чорум 1 миллиону 622 ҳазору 567 нафар (87,1%) ба ваксинаҳо фаро гирифта шудаанд.

- Дар вилоят 4 ташхисгоҳи вирусологӣ фаъолият менамоянд, ки дар давоми семоҳаи якуми соли равон 136 намунаи маводҳои биологиро барои дарёфти барангезандаи бемории “COVID-19” мавриди озмоиш қарор дода, айни ҳол бо ташхиси “COVID-19” ягон бемор ба қайд гирифта нашудааст, - афзуд манбаъ.