41 лоиҳаи сармоягузорӣ амалӣ гардида истодааст

Зимни нишасти хабарӣ сардори Раёсати давлатии сармоягузорӣ ва идораи амволи давлати дар вилояти Хатлон Қурбон Қурбонзода иттилоъ дод, ки айни замон дар вилояти Хатлон 41 лоиҳаи сармоягузории давлатӣ амалӣ гардида истодааст.

- Маблағи азхудшудаи ин лоиҳаҳо 760 миллион доллари америкоиро ташкил медиҳад, - гуфт Қ. Қурбонзода. - Дар маҷмӯъ, ба қаламрави вилоят 1,5 миллиард долар сармояи хориҷӣ ворид гардидааст, ки 1,4 доллари онро сармояи муқтиқим дарбар мегирад. Ба вилоят аз 29 давлати хориҷӣ сармоя ворид шуда, бештари маблағҳо ба сармояи Россия (41,7%), Чин (33,1%) ва Эрон (19,1%) рост меояд.

Дар соли сипаригардида аз ҷониби соҳибкорони маҳаллӣ дар вилоят 128 корхонаи истеҳсолӣ ва коргоҳ мавриди баҳрабардорӣ қарор дода шуда, дар ин замин 1056 нафар шаҳрванд ба ҷойи кор таъмин шуданд.