СУҲБАТ-ВОХӮРӢ ОИД БА МАРОСИМИ ҲАҶҶИ ФАРЗӢ

Имрӯз аз ҷониби масъулони Мақомоти иҷроияи ҳокимияти давлатии вилояти Хатлон дар ҳамкорӣ бо Кумитаи дин танзими  ва ҷашну маросими назди Ҳукумати Ҷумҳурии Тоҷикистон бо роҳбаладони вилояти Хатлон оид ба мавсими ҳаҷҷи фарзии соли 2026 суҳбат- вохӯрӣ доир баргузор намуданд.

Чорабинӣ бо мақсади иҷрои талаботи моддаи 13-и Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» доир гардида, зимни он ба роҳбаладон дастуру супоришҳои мушаххас дода шуд.

Таъкид гардид, ки роҳбаладон то оғози сафари ҳаҷҷи фарзӣ бо шаҳрвандони шаҳру ноҳияҳои вилояти Хатлон, ки барои адои ҳаҷҷи фарзӣ номнавис шудаанд, вохӯриҳо баргузор намоянд.

Ҳамзамон, ба онҳо дастур дода шуд, ки корҳои фаҳмондадиҳиро дар самти пешгирӣ аз анъанаҳои нолозим, аз қабили ҳоҷизиёрат, ҳоҷиталбон ва ҳоҷиошӣ тақвият бахшанд.

Мақсад аз баргузории чунин вохӯриҳо баланд бардоштани маърифати ҳуқуқӣ ва риояи талаботи қонунгузории амалкунанда дар ҷомеа мебошад.