Дурнамои ҷамъоварии пахта 93,7% иҷро шуд

То 30 ноябр кишоварзони вилояти Хатлон зиёда аз 268 ҳазору 30 тонна пахта ҷамъоварӣ намудаанд, ки ба 93,71 дарсади дурнамои соли 2022 баробар аст. Дар ин бора ба рӯзномаи “Хатлон” аз Сарраёсати кишоварзии вилоят иттилоъ доданд.

Тибқи дурнамо, имсол кишоварзони вилоят бояд 286 ҳазору 8 тонна пахта истеҳсол намоянд. Манбаъ афзуд, ки пахтакорони шаҳрҳои Левакант, Бохтар, Кӯлоб, ноҳияҳои Данғара, Ҳамадонӣ, Фархор, Восеъ, Ёвон, Хуросон, Абдураҳмони Ҷомӣ, Шаҳритус, Вахш, Ҷайҳун ва Дӯстӣ дурнамои имсолаи истеҳсоли “тиллои сафед”-ро иҷро намуда, ноҳияҳои пахтакори Қубодиён, Панҷ, Ҷалолиддини Балхӣ, Кӯшониён, Носири Хусрав дар арафаи иҷрои дурнамо қарор доранд.

http://khatlon-ruznoma.tj/