Барои ҳимояи Ватани худ, ҷонамонро дареғ намедорем

Вақтҳои охир ҳамсоягони қирғизи мо бо ҳар гуна баҳона ба марзбонон ва сокинони наздисарҳадии Тоҷикистон дар шаҳри Исфара халал ворид карда истодаанд. Субҳи 14 сентябр хабари такроран дахолат кардани қирғизҳо ба марзи Тоҷикистон дар сомонаҳои интернетӣ паҳн шуд. Ҳамчунин, дар ин миён, аз захмбардоштагон ва фавтиганон низ хабар доданд. Вале ин ҳодиса то ба андозае ором шуд. Мутаассифона, субҳи имрӯз хабари дигар расид, ки дуюмбора ба деҳаҳои наздисарҳадии шаҳри Исфара тир андохтаанд, ки боиси марги як сарбоз ва чанд захмӣ гардидааст. 

Мо - мардуми Осиёи Миёна бояд бо ҳамдигар чун дӯсту бародар сар аз як гребон бароварда, дар баланд бардоштани сатҳи зиндагии мардуми минтақа саҳмгузор бошем. Пеш аз ҳама рисолати асосии инсонӣ – фарҳанги ҳамсоядориро ба ҷо оварем. Дар таъмини равобити дипломатӣ, муносибатҳои байниҳамӣ ва ҳамкориҳои дутарафа бетараф набуда, барои таъмини сулҳу субот ва амнияти на танҳо кишвари худ, балки минтақа низ саҳми бориз гузорем.

Имрӯз хунеро ба замин рехтан, биноеро вайрон кардан ва оилаеро ноором кардан барои мардуми ҳар ду ҷониб низ зарбаи сахти рӯҳӣ аст. Мардуми сарбаланди тоҷик маззаи талхи ҷангро чашидааст ва намехоҳад, ки дуюмбора он рӯзҳои вазнин ба сарашон ояд, вагарна ҷавоби ҷангро бо ҷанг додан низ кори осон аст.