“Шеъру ғазалҳо барои кайфияти руҳиянд, вале барои фаҳмишу дарки маъниву дарки дунё роман хондан даркор”, - мегӯяд Хайрулло Давлатов, директори театри вилоятии лӯхтаки “Афсона”.
Ӯ аз Соли фарҳанги китобхонӣ эълон гаштани соли 2025 аз ҷониби раиси вилояти Хатлон Давлаталӣ Саид ҷонибдорӣ намуда, ба тамоми ҷавонон таъкид мекунад, ки пайваста китоб хонанд. Дар ин баробар, ӯ номгӯи чанде аз асарҳои нависандагони тоҷик ва хориҷиро низ оварда, мутолиаи ононро тавсия намуд.
“Вақте ки ман ҷавон будам,”Косаи давр”-и Абдулҳамид Самадро хондам. Ҷолибияти асар ва сабку нигориши нависанда чунон таъсирбахш аст, ки кас баробари хонданаш бо қаҳрамонони асар дар ҳамон пастхамиҳову пайроҳаҳои қишлоқ беихтиёр ҳамроҳ мешавад”, - нақл мекунад Хай-рулло Давлатов. Дар ин баробар, ӯ ёдоварӣ аз чандин асари нависандагони хориҷӣ ба монанди Иван Гончаров, Чернишевский, Валтер Скотт, Оноре де Балзак ва дигарон намуда, бо як эҳсоси фавқулода аз ин асарҳо қисса менамуд.
Ӯ хондани асарҳои бузурги нависандагони муосири тоҷик Абдулҳамид Самад “Косаи давр”, Ӯрун Кӯҳзод “Сукути қуллаҳо”-ро тавсия медиҳад: «Барои суханпардоз шудан асари машҳури Н. Чернышев-ский “Что делать” ва барои донистани ҳурмати устоду шогирд повести машҳури Оноре де Балзак “Неведомий шедевр”-ро бояд хонд». Тавре ки Хайрулло Давлатов мегӯяд, касе, ки роман меофарад, шахси яктарафа набуда, аз ҳама чиз бохабар аст.
Аҳадуллои Мирзоалӣ
Хатлон
21-12-2021, 12:16
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
9-03-2024, 16:45
Ҳамватанони азиз!Муҳтарам фаъолону намояндагони ҷомеа ва ходимони дин!...
23-12-2021, 16:14
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
26-01-2021, 14:00
13-07-2021, 03:29
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
