ЧЕМПИОНАТИ ҶАҲОН

9 муштзани ҷавони тоҷик дар он иштирок мекунад

Дар шаҳри Будваи Черногория Чемпионати ҷаҳон оид ба бокс байни ҷавонон (U17-18) баргузор мегардад, ки дар он аз Тоҷикистон 9 варзишгар иштирок мекунад. Дар ин хусус Федератсияи бокси Тоҷикистон хабар дод.

Дар ин мусобиқа аз Тоҷикистон - Муинхӯҷа Муминов (48 кг), Меҳроҷ Суфиҷонов (51 кг), Анӯшервон Фозилов (54 кг), Шодмеҳр Давлатов (57 кг), Дамир Мубайлихонов (60 кг), Руслан Ғафуров (63,5 кг), Муҳаммадсултон Султонов (67 кг), Баҳромбек Ҳотамов (71 кг) ва Зиёратшо Қосимов (75 кг) иштирок менамоянд.

Тибқи иттилои манбаъ, дар ин мусобиқа варзишгаронро мураббиҳо - Луйс Владимир, Эмомалӣ Малаев, Файзуллоҳ Алиев ва Носир Азимов ҳамраҳӣ мекунанд. Акмалҷон Амирзода ба ҳайси довар дар ин мусобиқа ширкат меварзад.

Мавриди зикр аст, ки дар Чемпионати ҷаҳон оид ба бокс байни ҷавонон 660 муштзан аз 88 кишвар ширкат мекунанд.