Паём – роҳнамои рушди устувори Тоҷикистон

Паёми  Асосгузори сулҳу  ваҳдати  миллӣ  – Пешвои миллат, Президенти  Ҷумҳурии  Тоҷикистон муҳтарам  Эмомалӣ  Раҳмон  ба Маҷлиси Олӣ ҳамчун як роҳнамои амиқи  сиёсиву  иқтисодӣ  барои рушди  устувор  ва  таъмин  намудани  амнияти  миллӣ  хизмат мекунад. Дар он тамоюлҳои нави рушди  ҷаҳонӣ  ба  назар  гирифта  шуда,  ҳадафҳои  стратегии кишвар,  аз  ҷумла  таъмини  амнияти  озуқаворӣ,  саноатикунонии  босуръат  ва  ноил  шудан  ба истиқлоли  энергетикӣ  мавриди таҳлил қарор гирифтанд.

Президенти  кишвар  таъкид  намуданд,  ки Истиқлоли  давлатӣ  танҳо  бо меҳнати  садоқатмандона  ва  истифодаи самараноки  захираҳои  мавҷудаи  миллӣ мустаҳкам  мешавад.  Паёми  имсолаи Пешвои  миллат,  ба  мисли  солҳои  гузашта,  аҳамияти сулҳу  субот,  ваҳдат  ва ҳамбастагии  мардумро  ҳамчун  заминаи асосии рушди кишвар таъкид кард.

Дар  Паём  масъалаҳои  рушди иқтисодӣ,  махсусан  саноатикунонии  бо-суръат ҳамчун яке аз ҳадафҳои стратегӣ муайян гардиданд. Пешвои миллат таъ-кид намуданд, ки рушди саноат на танҳо барои беҳтар кардани шароити зиндагии мардум,  балки  барои  таъмини  ҷойҳои нави корӣ ва баланд  бардоштани даромади миллӣ муҳим аст. Ҳамчунин,  таваҷҷуҳи  махсус  ба соҳаи кишоварзӣ, татбиқи лоиҳаҳои нави сармоягузорӣ  ва  рушди  тиҷорати  хурду миёна ҳамчун воситаи пешбурди иқтисод равона гардид.

Паёми  Пешвои  миллат  на  танҳо ҳуҷҷати  роҳнамо,  балки  сарчашмаи рӯҳбаландӣ ва ҳидояти ҳар як шаҳрванди кишвар аст. Он нишон медиҳад, ки барои ноил шудан ба ҳадафҳои миллӣ ва таъмини  зиндагии  шоиста  бояд  бо  садоқат ва масъулияти баланд кор кунем.

Имрӯз  ҳадафи  асосии  ҳамаи  мо татбиқи  амалии  нуқтаҳои  муҳими  Паём ва  саҳмгузорӣ  дар  ободии  Тоҷикистони азиз  аст.  Бо  иттиҳод  ва  ваҳдат  метавонем ҳамаи мушкилиҳоро паси сар карда, роҳи  устувори  рушди  кишварро  идома диҳем.

Шаҳбоз Азамов,
мудири шуъбаи сармоягузорӣ ва молу мулки давлатии шаҳри Бохтар