Муқовимат бо экстремизм ва терроризм – вазифаи ҳар як шаҳрванди кишвар

Дар  Паёми  навбатии  худ  Президенти  Ҷумҳурии  Тоҷикистон муҳтарам  Эмомалӣ  Раҳмон  бори дигар  ба  масъалаи  мубориза бо  экстремизм  ва терроризм таваҷҷуҳи  хос  зоҳир  намуда, хатарҳои  ин  зуҳуроти  номатлубро барои ҷомеа таъкид карданд. Дар  ҳақиқат,  терроризм  ва  экстремизм имрӯзҳо на танҳо ба амнияти  миллии  Тоҷикистон,  балки  ба  суботи  минтақа  ва  ҷаҳон таҳдид мекунанд.

Воқеан, терроризм ва экстремизм имрӯзҳо ба яке аз мушкилоти асосии ҷаҳонӣ табдил ёфта, ин падидаҳо на танҳо амнияти давлатҳоро зери хатар мегузоранд, балки ба ҳаёти осоиштаи мардум низ таъсири манфӣ мерасонанд. Барои пешгирӣ ва мубориза бо онҳо, ҳамкорӣ ва ҳушёрии ҷомеа хеле муҳим аст.

Пешгирии  шомилшавии  ҷавонон  ба гурӯҳҳои тундрав ва ғояҳои ифротӣ бояд яке аз самтҳои  афзалиятноки  фаъолиятҳои  тарбиявӣ, маърифатӣ ва иҷтимоӣ бошад. Барои ин, мо бояд ба ин паҳлуҳо таваҷҷуҳ намоем:

1.  Тарбияи  насли  наврасро  дар  рӯҳияи ватандӯстӣ тақвият диҳем. Ҷавонон бояд дарк кунанд, ки амнияти давлат ва суботи ҷомеа аз худи онҳо вобаста аст.

2. Баланд бардоштани маърифати ҳуқуқӣ ва динӣ. Ноогоҳӣ ва донишҳои ками ҷавонон дар бораи арзишҳои дини мубини ислом онҳоро осеб-пазир  мекунад.  Мо  бояд  ба  онҳо  фаҳмонем,  ки терроризм ҳеҷ рабте ба ислом надорад.

3. Густариши корҳои фаҳмондадиҳӣ дар байни  аҳолӣ.  Истифодаи  ВАО,  шабакаҳои  иҷтимоӣ ва  вохӯриҳои  шахсӣ  барои  пешгирии  таъсири идеологияҳои ифротӣ муҳим мебошад.

4.  Тақвияти  ҳамкории  ҷомеа  бо  мақомоти ҳифзи ҳуқуқ. Агар ҳар як шаҳрванди кишвар барои пешгирии паҳншавии ғояҳои ифротӣ масъу-лият эҳсос кунад, мо метавонем амнияти давлатамонро таъмин намоем.

Барои  мубориза  бо  ин  падидаҳои  хатарнок чораҳои зерин муҳиманд:

якум, маърифати дурусти ҷомеа: Баланд бардоштани саводи динӣ ва ҳуқуқии мардум. Дуюм,  мубориза  бо  ташвиқоти  ифротӣ:  Назорати  шабакаҳои  иҷтимоӣ  ва  маҳдуд  кардани паҳншавии афкорҳои радикалӣ. 

Сеюм, мустаҳкам кардани қонунгузорӣ: Танзими сахттари қонунҳо бар зидди терроризм ва экстремизм ва чорум, ҳамкории байналмилалӣ: Му-бодилаи маълумот ва ҳамоҳангсозии амалиётҳо бо кишварҳои дигар.

Дар  ҳақиқат,  терроризм  ва  экстремизм  барои  ҷомеаи  имрӯза  хатари  ҷиддӣ  ба  бор  меоранд. Барои мубориза бо ин падидаҳо ҳамкории давлатҳо,  ҷомеа  ва  ҳар  як  шаҳрванд  зарур  аст. Танҳо бо ваҳдат, маърифатнокӣ ва талоши якҷоя метавонем ин таҳдидҳоро бартараф намуда, барои наслҳои оянда як ҷомеаи орому шукуфонро боқӣ гузорем.

Фаррухӣ Ҳусейнзода,
раиси МД клуби футболи “Панҷшер”