Мақоми прокуратураи тоҷик дар таъмини волоияти қонун

Прокуратураи  Ҷумҳурии  Тоҷикистон  ҳамчун  ниҳоди  муҳимми  давлатӣ дар  ҳифзи  қонуният  ва  тартиботи ҳуқуқӣ  нақши  калидӣ  мебозад.  Мавқеи ин ниҳод дар таъмини волоияти қонун, назорати  иҷрои  қонунҳо  ва  ҳифзи ҳуқуқу  озодиҳои  шаҳрвандон  баланд арзёбӣ мешавад.

Принсипи волоияти қонун яке аз меъёрҳои асосии ҷомеаи  ҳуқуқбунёд  мебошад,  ки  бо  ҳифзи  ҳуқуқҳои шаҳрвандон, таъмини адолат ва баробарии ҳама дар назди қонун алоқаманд аст. Дар ин раванд прокуратура  ҳамчун  механизми  назоратӣ  ва  таъмини  иҷрои 
санадҳои меъёрии ҳуқуқӣ нақши ҳалкунанда дорад.

Прокуратураи Ҷумҳурии Тоҷикистон тибқи Конститутсия ва қонунгузории кишвар вазифаҳои муҳими зеринро иҷро менамояд:

1. Назорати риоя ва иҷрои қонунҳо. Ин ниҳод назорат мекунад, ки тамоми мақомоти давлатӣ, шахсони воқеӣ  ва  ҳуқуқӣ  талаботи  қонунгузориро  риоя  намоянд.

2.  Муҳофизати  ҳуқуқҳои  шаҳрвандон  ва манфиатҳои  давлатӣ.  Прокуратура  муроҷиати шаҳрвандонро баррасӣ карда, аз ҳуқуқи онҳо ҳимоят менамояд ва барои пешгирии қонуншиканӣ чора меандешад.

3. Назорати фаъолияти тафтишотӣ ва пешбурди парвандаҳои ҷиноятӣ. Прокуророн ҷараёни тафтишоти  пешакӣ  ва  риояи  қонунро  дар  раванди  баррасии парвандаҳо назорат мекунанд.

4. Мубориза бо ҷинояткорӣ ва коррупсия. яке аз самтҳои муҳими фаъолияти прокуратура ин ошкор ва пешгирии ҷиноятҳо, хусусан фасод мебошад.

5.  Даъвоҳои  прокурорӣ  ва  ҳимояи  манфиатҳои давлатӣ. Агар ҳуқуқҳои давлат ё шаҳрвандон поймол гарданд, прокуратура метавонад бо пешниҳоди даъво аз манфиатҳои онҳо ҳимоят кунад.

Барои  боз  ҳам  қавитар  намудани  нақши  прокуратура  дар  таъмини  волоияти  қонун  такмили  қонунгузорӣ  ва  мутобиқсозии  он  бо  меъёрҳои байналмилалӣ,   пурзӯр  намудани  мубориза  бо  кор-рупсия  ва  ҷинояткорӣ,  инчунин,  тавсеаи  ҳамкориҳо бо ҷомеаи шаҳрвандӣ ва ВАО барои баланд бардоштани сатҳи ҳуқуқии шаҳрвандон муҳим мебошанд.

Прокуратураи Тоҷикистон ҳамчун яке аз сутунҳои устувори ҳифзи волоияти қонун ва таъмини адолати ҳуқуқӣ  амал  мекунад.  Ин  ниҳод  бо  назорати  риояи қонунҳо,  ҳифзи  ҳуқуқҳои  шаҳрвандон  ва  мубориза бо  қонуншиканӣ  кафили  субот  ва  амнияти  ҳуқуқии ҷомеа  мебошад.  Бо  рушди  минбаъдаи  қонунгузорӣ ва ислоҳоти соҳа, прокуратура метавонад боз ҳам муассиртар  фаъолият  намуда,  барои  таҳкими  давлати ҳуқуқбунёд саҳми арзанда гузорад.

Шоҳрух Неъматзода,
муфаттиши калони прокуратураи ҳарбии
гарнизони Бохтар