Дастовардҳо дар соҳаи маориф назаррасанд

Соли 2024 даври ҷумҳуриявии олимпиадаҳои фаннӣ миёни хонандагони синфҳои 5 то 11 дар 4 категория аз рӯйи 13 фанни таълимӣ баргузор гардида, 1361 нафар хонандагони муассисаҳои таҳсилоти миёнаи умумии вилояти Хатлон дар он иштирок ва 541 нафар соҳиби медал гардиданд.

Бо ин нишондоди баланд вило-яти Хатлон дар сатҳи ҷумҳурӣ пас аз  шаҳри  Душанбе  дар  мақоми дуюм қарор гирифт. Хонандагони вилоят, аз ҷумла, 14 медали тилло,  52  медали  нуқра  ва  475  ме-дали  биринҷӣ  ба  даст  оварданд. 

Ҳамзамон,  аз  олимпиадаҳои байналмилалӣ  низ  хонандагон 446  медал,  аз  ҷумла  54  медали тилло,  165  медали  нуқра  ва  227 медали  биринҷӣ  ба  даст  оварданд,  ки  нисбат  ба  соли  гузашта 61 медал зиёд мебошад.

Илова  ба  ин,  соли  равон  ба 70  нафар  хонандагони  аълохони  муассисаҳои  таълимии шаҳру  ноҳияҳои  вилоят,  ба  60 нафар  донишҷӯёни  муассисаҳои таҳсилоти ибтидоӣ, миёна ва олии касбӣ  ва  ба  60  нафар  олимони эҷодкор  дар  маҷмуъ  ба  маблағи 420  ҳазор  сомонӣ  стипендияҳои Раиси  вилояти  Хатлон  пардохт карда шуд.

Ҳамзамон,  ба  26  нафар хаткунандагони  муассисаҳои таҳсилоти миёнаи умумии вилоят, ки муассисаро бо аттестати аълои универсалӣ ва равиявӣ хатм намуданд, дар ҷамъ 260 ҳазор сомонӣ, ба  ҳар  як  роҳбари  муассисаи таълимӣ ба маблағи 3000 сомонӣ ва  ба  барандагони  Ҷоизаҳои  ви-лоятии  “Соҳибватан”,  “Омӯзгори ифтихории Хатлон”, “Ҷоизаи раиси вилояти Хатлон дар соҳаи ма-ориф” ва ғолиби “Парчами сайёри ғолиб”,  аз  номи  раиси  вилояти Хатлон,  дар  маҷмуъ,  наздик  ба 200  ҳазор  сомонӣ  мукофотпулӣ дода шудааст.