Истеҳсоли гӯшту шир бештар шуд

Давоми  ёздаҳ  моҳи  соли  ҷорӣ  дар  ҳамаи  шаклҳои  хоҷагидории вилояти  Хатлон  202,2  ҳазор  тонна  гӯшт,  507,1  ҳазор  тонна  шир, 166,3 миллион дона тухм, 5593 тонна пашм, 1160 тонна асал ва 3350 тонна моҳӣ истеҳсол гардида, афзоиши ҳаҷми истеҳсоли ин номгӯи маҳсулот дар қиёс ба ҳамин давраи соли гузашта аз 1,4 то 39,6 банди фоизиро ташкил дод. 

Мувофиқи омори расмӣ, ба ҳолати 1 декабри соли 2024 барои солиму беталаф  баровардани  чорво  аз  давраи  зимистони  солҳои  2024-2025  дар шаҳру ноҳияҳои вилоят ҳамагӣ 1,3 миллион тонна захираи хошоки дурушт, аз ҷумла 518,3 ҳазор тонна хасбеда, 55,5 ҳазор тонна тарбеда, 702,2 ҳазор тонна коҳ ва 41,1 ҳазор тонна хӯроки ширадор, баробар ба 107 фоизи дурнамо,  захира  карда  шудааст,  ки  нисбати  ҳамин  давраи  соли  пешин  47,3 ҳазор тонна зиёд мебошад.