Ифтитоҳи майдончаи футбол дар маҳаллаи "Хатлон"-и шаҳри Бохтар

Рӯзи 14 декабр раиси вилояти Хатлон Давлаталӣ Саид бо ҳамроҳии раиси шаҳри Бохтар Абдулмаҷид Муминзод майдончаи варзишии футболро дар маҳаллаи "Хатлон" ифтитоҳ намуданд.

Майдончаи мазкур дар арафаи соли нави мелодӣ ва идомаи тантанаҳои ба ифтихори 30- солагии таъсисёбии Ҳизби Халқии Демократии Тоҷикистон сохта, мавриди истифода қарор дода шуд.

Тибқи иттилоъ, майдончаи мазкур аз ҷониби Шабакаҳои тақсимоти барқи ҷанубӣ дар доираи дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ҳидоятҳои созандаи раиси вилояти Хатлон бунёд ва мавриди баҳрабардории сокинон қарор дода шудааст.

Дар рафти боздид раиси вилоят ба иқдоми соҳибкорон ва шахсони масъул баҳои баланд дода, барои ин кори некашон изҳори сипосу миннатдорӣ намуд.

Бояд қайд кард, ки дар паҳлуи майдончаи мазкур боғчаи хурди кӯдакона сохта шуда, арғунчаку лавозимот барои бозии кӯдакон насб гардидааст, ки минбаъд кӯдакони маҳалла метавонанд дар ин майдонча машғули бозию фароғат шаванд.