Дар Театри опера ва балети ба номи Садриддин Айнӣ маросими ҷамъбасти даври ниҳоии озмуни ҷумҳуриявии «Тоҷикистон - Ватани азизи ман» ва туҳфасупорӣ ба ғолибон баргузор гардид.
Дар ин озмун вилояти Хатлонро 136 нафар довталаб намояндагӣ карданд. Дар натиҷаи ҳунарнамоии довталабон муяссар шуд, ки 16 нафар аз Хатлон сазовори ҷойҳои намо-ён гарданд. Аз он ҷумла 1 ҷойи якум, 8 ҷойи дуюм ва 7 ҷойи сеюм насиби ҳаваскорони санъати вилояти Хатлон шуд.
Маврид ба зикр аст, ки аз 25 шаҳру ноҳияи вилояти Хатлон дар даври вилоятии озмун беш аз 800 нафар довталаб иштирок карда, ба даври ҷумҳуриявии он 136 довталаб тибқи низомномаи озмун роҳхат гирифта буданд.
Мақсад аз баргузории озмун муаррифии фарҳанги волои миллати тоҷик, таблиғ ва эҳёи санъати миллӣ, эҳтиром ва арҷгузорӣ ба суннатҳои неки аҷдодӣ, баланд бардоштани сатҳи касбии асарҳои нави мусиқӣ, навозандагӣ, сарояндагӣ, маҳорати касбии ҳунари мусаввирӣ, ҳайкалтарошӣ, ороишгарӣ ва либосдӯзӣ, интихоби намунаҳои беҳтарини оҳангу суруд, коллексия ва асарҳои рассомӣ мебошад.
Н. САИДАБРОР, «Хатлон»
21-12-2021, 12:16
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
23-12-2021, 16:14
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
13-07-2021, 03:29
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
9-03-2024, 16:45
Ҳамватанони азиз!Муҳтарам фаъолону намояндагони ҷомеа ва ходимони дин!...
26-01-2021, 14:00
