Ҳосилнокии полезӣ афзун гардидааст

Имсол дар майдони 13377 гектар заминҳои вилояти Хатлон кишти маҳсулоти полезӣ гузаронида шудааст.

Дар баробар ин, нимаи якуми соли ҷорӣ дар вилоят аз майдони 8542 гектар полезиҳо ҷамъоварӣ ва 345,1 тонна полезӣ истеҳсол карда шудааст, ки нисбат ба ҳамин давраи соли гузашта 110,2 тонна зиёд мебошад (афзоиши ҳосилнокии он 77,5-сентнерӣ).

Дар ҳамаи бахшҳои хоҷагидории вилоят ва гармхонаҳои доимоамалкунанда дар майдони 60,4 гектар кишти сабзавоти барвақтӣ гузаронида шуда, аз ин ҳисоб 1539 тонна маҳсулоти кишоварзӣ, аз ҷумла 533 тонна помидор, 163 тонна бодиринг ва 843 тонна дигар сабзавотҳо истеҳсол карда шуд.

Инчунин, дар майдони 1327 гектар гармхонаҳои мавсимӣ кишти сабзавоти барвақтӣ гузаронида шуда, аз ин ҳисоб 42122 тонна сабзавот, аз он 15832 тонна помидор, 10893 тонна бодиринг ва 15397 тонна дигар сабзавотҳо истеҳсол гардид.