8 адад китобхона аз ҳолати садамавӣ бароварда шуд

Айни ҳол дар 25 шаҳру ноҳияҳои вилояти Хатлон 492 адад китобхонаҳо фаъолият доранд, ки 31-ададаш таъмирталаб буда, 1-адади он дар ҳолати садамавӣ қарор дорад. Доир ба ин масъала сардори Раёсати фарҳанги вилоят зимни нишасти хабарӣ иттило дод.

Қайд гардид, ки дар шаш моҳи соли равон дар натиҷаи таъмиру аз навсозӣ нисбати ба ҳамин давраи соли гузашта 13 адад китобхонаҳои таъмирталаб ва 8 адад китобхонаҳои садамавӣ кам ба қайд гирифта шудааст.

Иттило дода шуд, ки китобхонаҳои таъмирталаб дар шаҳру ноҳияҳои Норак, Дӯстӣ, Ёвон, Вахш, Балҷувон, Ховалинг ва Китобхонаи вилоятии бачагонаи шаҳри Кӯлоб 1-адад Левакант, Кӯшониён, Восеъ, Ҳамадонӣ, Фархор, Темурмалик 2-ададӣ, Қубодиён, Носири Хусрав 3 адад ва Данғара 4 адад буда, дар ноҳияи Ш.Шоҳин 1-адад бинои китобхона дар ҳолати садамавӣ қарор дорад.