Варзишгарони Хатлон 1571 медал ба даст оварданд

Дар шашмоҳаи аввали соли 2024 варзишгарони вилояти Хатлон дар 95 чемпионат ва мусобиқаҳои варзишии ҷумҳуриявӣ иштирок намуда, сазовори 522 медали тилло, 441 медали нуқра, 536 медали биринҷӣ гаштанд.

Тавре аз Раёсати кор бо ҷавонон ва варзиши вилоят ба рӯзномаи “Хатлон” иттилоъ доданд, варзишгарони Хатлон дар 19 мусобиқаи байналмилалӣ фаъолона иштирок намуда, 18 медали тилло, 17 медали нуқра ва 37 медали биринҷӣ ба даст оварданд.

Аз чемпионат ва мусобиқаҳои ҷумҳуриявӣ ва байналмилалӣ дар маҷмӯъ 1571 медал ба хазинаи вилоят ворид гардид, ки ин нишондод нисбат ба ҳамин давраи соли гузашта 344 адад медал зиёд мебошад.