Хатлон. Беш аз 18 ҳазор мақоми бекорӣ доранд

- Ҳаҷми хизмати пулакӣ дар ҳамаи соҳаҳои хизматҳои вилоят дар соли 2022 ба маблағи 2 миллиарду 324 миллиону 353 ҳазору 800 сомониро ташкил дод, ки бо нархҳои муқоисавӣ нисбат ба ҳамин давраи соли 2021-ум ба 3,4 фоиз зиёд мебошад, - гуфт зимни нишастӣ матбуотӣ Қ. Ҳакимзода, сардори Сарраёсати Агентии омори назди Президенти Ҷумҳурии Тоҷикистон дар вилояти Хатлон.

Ба қавли Қ. Ҳакимзода дар ин давра 6337 ҷиноят ба қайд гирифта шудааст, ки нисбат ба ҳамин давраи соли 2021-ум 10,3 фоиз кам мебошад.

Иттилоъ дода шуд, ки тибқи омори расмии Агентӣ шумораи аҳолии ба кор машғулбудаи вилоят 984 ҳазору 300 нафарро ташкил медиҳад. 18 ҳазору 900 нафар дар вилоят бе ҷои корӣ буда, мақоми бекоронро касб кардаанд. Ҳамчунин, гуфта шуд, ки дар ҳудуди вилоят танҳо дар давоми ду соли охир 33 корхонаи гуногунсоҳа аз фаъолият боз мондааст.

Фарида Баротова, “Хатлон”