Аз пахтаи Хатлон чиҳо истеҳсол шуд?

Дар вилояти Хатлон тайи як соли охир 81928,7 тонна нахи пахта истеҳсол шудааст, ки 64,4%-и ҳаҷми нахи пахтаи дар ҷумҳурӣ истеҳсолшударо ташкил медиҳад.

Заробиддин Файзуллозода, муовини раиси вилоят, зимни тасдиқи ин хабар ба рӯзномаи “Хатлон” гуфт, ки 21 фоизи нахи пахтаи дар вилоят истеҳсолгардида дар корхонаҳои ресандагии вилоят коркард шудааст.

- Дар вилояти Хатлон давоми соли гузашта 17378,6 тонна ресмони пахтагӣ истеҳсол шудааст, ки 92,5%-и ҳаҷми ресмони дар ҷумҳурӣ истеҳсолшударо ташкил медиҳад, - афзуд З. Файзуллозода.

17,9 фоизи ресмони дар вилоят истеҳсолшуда дар корхонаҳои бофандагии вилоят истифода гардида, 16,3 миллион метри мураббаъ газворҳои пахтагин, 457 ҳазор метри мураббаъ трикотаж ва 433  ҳазору 588 дона либоси таҳпӯш истеҳсол шудааст.

Қобили зикр аст, ки соли гузашта дар вилоят 16 миллиону 267 ҳазору 800 метри мураббаъ газворҳои пахтагин низ истеҳсол шудааст, ки ба 65 дарсади ҳаҷми газворҳои дар тамоми ҷумҳурӣ истеҳсолшуда баробар аст.

http://khatlon-ruznoma.tj/