Тифлони панҷгоник роҳрав шуданд

Тифлони панҷгоник Ҳасан, Ҳусейн, Фотима, Зуҳро ва Оиша, ки дар арафаи соли нави 2021 таваллуд шуда буданд, имрӯз роҳгардон шудаанд.

Зода шудани якбора 5 тифл дар оилаи Дилноза ва Барот Бобоевҳо таваҷҷуҳи тамоми ҷомеаи Тоҷикистонро ба худ ҷалб карда буд. Зеро ин рӯйдод на танҳо дар кишвари мо, балки дар паҳнои Осиёи Марказӣ ҳам камназир будааст.

Алҳол тифлон дар манзили навбунёдашон, воқеъ дар Ҷамоати деҳоти "20-солагии Истиқлол"-и ноҳияи Қубодиён, дар шароити муносиб парвариш меёбанд ва таҳти муроқибати пизишкон ҳам қарор доранд.

http://khatlon-ruznoma.tj/