Ифтихори халқи ман – Соҳиб Табар

Кист устоди сухан? - Соҳиб Табар.
Ҳаст моро ҳамватан Соҳиб Табар.
Шод бодо руҳи покаш, шод бод,
Буд зеби анҷуман Соҳиб Табар.
Зинда дорад илму ирфонаш варо,
Дар сухан буд Таҳамтан Соҳиб Табар.
Обурӯву ҳурмати бисёр дошт,
Байни аҳли илму фан Соҳиб Табар.
Хоксору мушфиқу ғамхор буд,
Баҳри халқи хештан Соҳиб Табар.
Буд марде нуктадону нуктасанҷ,
Балки дарёи сухан Соҳиб Табар.
Бо ту мефахрем дар ҳар маҳфиле,
Ифтихори халқи ман Соҳиб Табар.
Ёдгорӣ мондаӣ номи накӯ,
Зодаи мулки куҳан Соҳиб Табар.
Номи ту бо эҳтиром ояд мудом
Дар забони марду зан Соҳиб Табар.
Мисли ту ҳаргиз надидам дар ҷаҳон,
Марди бо фазлу сухан Соҳиб Табар.
Дӯст доремат ҳама хурду калон,
Ҳаст то ҷон дар бадан, Соҳиб Табар.

Ҷумъахони БОБОЗОДА