12 мактаби садамавӣ дар ноҳияи Ёвон

Дар ноҳияи Ёвон 12 мактаб дар ҳолати садамавӣ қарор доранд. Ин нуктаро раиси ноҳияи Ёвон Бахтиёр Шарифӣ дар нишасти хабарӣ қайд намуд.

Мавсуф зикр намуд, ки имсол 3 мактаби замонавӣ ва дорои имкониятҳои хуби таълимӣ мавриди баҳрабардорӣ қарор дода мешавад.

Бо Вазорати маорифи ва илми Ҷумҳурии Тоҷикистон барои таъмиру азнавсозии мактабҳои садамавӣ ва ба пуррагӣ аз байн бурдани онҳо машваратҳои корӣ ҷараён дорад, - афзуд раиси ноҳия.

Акс аз интернет