МУАРРИФИИ ЛОИҲАИ "МАЙДОНЧАИ ВАРЗИШИИ ФУТБОЛ БАРОИ КАЛОНСОЛОНУ НАВРАСОН ВА МАҶМААИ ТЕННИС" ДАР ШАҲРИ БОХТАР

Имрӯз, 14 декабр, раиси вилояти Хатлон Давлаталӣ Саид дар шаҳри Бохтар бо лоиҳаи "Майдончаи варзишии футбол барои калонсолону наврасон ва маҷмааи теннис" шиносоӣ пайдо намуд.

Бояд қайд кард, ки майдончаи варзишии футбол аз 452,42 метри мураббаъ иборат буда, бо тарзу услуби замонавӣ сохта мешавад.

Маҷмааи теннис низ аз 452,42 метри мураббаъ иборат буда, дар шароити хуб сохта мешавад. Ҳамчунин, дар шафати ин ду майдончаи варзишӣ майдон барои бозиҳои кӯдакона дар масоҳати 801,25 метри мураббаъ бунёд мешавад.

Иншоотҳои варзишӣ дар масоҳати умумии 2268,0 метри мураббаъ, воқеъ дар кӯчаи ба номи Н. Ҳувайдуллоеви шаҳри Бохтар сохта мешавад.