Муовини сарвазир аз вазъи муассисаҳои таълимии шаҳри Бохтар дидан кард

21 август Дилрабо Мансурӣ, муовини сарвазири кишвар, Анзурат Абдусаломзода, муовини раиси вилояти Хатлон, Абдулмаҷид Муминзод, раиси шаҳри Бохтар, Зиёдулло Абдулзода, сардори Раёсати маорифи вилояти Хатлон ва дигар ҳайати ҳамроҳ бо мақсади омодагӣ ба соли нави таҳсил аз фаъолияти муассисаҳои таълимии шаҳри Бохтар дидан намуданд.

Зимни сафар Дилрабо Мансурӣ, муовини Сарвазири мамлакат, изҳор дошт, ки имрӯз таваҷҷуҳи бевоситаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба илму маориф, хусусан нисбат ба омӯзгорон зиёд буда, барои ин қишри ҷомеа имкониятҳои мусоид фароҳам оварда шудааст.