Соли вусъати корҳои ободониву созандагӣ
Имрӯз, 23 декабр, дар шаҳри Бохтар таҳти раёсати раиси вилояти Хатлон Қурбон Ҳакимзода иҷлосияи...
23-12-2021, 16:14
![]()
http://khatlon-ruznoma.tj/
РАИСИ ВИЛОЯТИ ХАТЛОН ДАВЛАТАЛӢ САИД ДАР БАЛҶУВОН МУАССИСАИ ТАЪЛИМИРО МАВРИДИ ИФТИТОҲ ҚАРОР ДОД
Имрӯз, 10 ноябр, раиси вилояти Хатлон Давлаталӣ Саид ҷиҳати шиносоӣ бо рафти корҳои сохтмонӣ, созандагию бунёдкорӣ дар иншоотҳои сохташаванда ба ифтихори ҷашни 35-солагии Истиқлоли давлатии Ҷумҳурии Тоҷикистон ба ноҳияи Балҷувон сафари корӣ анҷом дод.
Нахуст, раиси вилоят дар маросими баистифодадиҳии муассисаи таҳсилоти миёнаи умумии №20, ки дар деҳаи Дараи Боҳтури Ҷамоати деҳоти Сафар Амиршоев бунёд шудааст, иштирок намуд.
Баъди ифтитоҳи муассисаи мазкур, ки самараи татбиқи сиёсати маорифпарваронаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошад, хонандагон бо шароити мусоиди таълимӣ фаро гирифта шуданд.
Раиси вилоят Давлаталӣ Саид аз синфхонаҳои муассисаи таълимӣ дидан карда, бо омӯзгорон ва хонандагони он суҳбат орост. Зимни суҳбат оид ба сиёсати пешгирифтаи Ҳукумати мамлакат ва бахусус Пешвои муаззами миллат ёдовар гардида, онҳоро даъват намуд, ки барои азхудкунии илмҳои замонавӣ кӯшиш ба харҷ диҳанд.
Ба раиси вилоят маълумот дода шуд, ки бинои муассисаи мазкур дар доираи нақшаи чорабиниҳои ҷашни 35-солагии Истиқлоли давлатии Ҷумҳурии Тоҷикистон сохта шудааст. Фармоишгари иншоот филиали Раёсати сохтмони асосии вилояти Хатлон дар минтақаи Кӯлоб буда, пудратчии он ҶДММ “Баракат” мебошад.
Бинои муассисаи таълимӣ аз як ошёна, 8 синфхона, ҳуҷраи омӯзгорон ва утоқи директори мактаб иборат буда, дар саҳни он буғхона ва дигар иншооти ёрирасон барои таҳсили 192 хонанда бунёд шудааст.
Дар ҷараёни корҳои сохтмонӣ 20 сокини маҳаллӣ ба кор ҷалб шудаанд.
Дар маросими ифтитоҳи муассисаи мазкур гуфта шуд, ки то ин муддат хонандагони деҳаи Дараи Боҳтур бинобар надоштани муассисаи таълимӣ таҳсилро дар масофаи то 3 километр дур аз деҳа, дар таълимгоҳи ҳамсоядеҳа мегузарониданд.
Сипас, раиси вилоят Давлаталӣ Саид тибқи нақшаи корӣ аз ҷараёни корҳои сохтмонии ноҳия боздид ба амал овард. Дар рафти боздиди иншооти сохташаванда раиси вилоятро раиси ноҳияи Балҷувон Сафарзода Бахтиёр ҳамроҳӣ намуд. Зимни боздид раиси вилоят ба масъулон ҷиҳати босифат ва дар муҳлати муайян анҷом додани корҳои сохтмонӣ ва бунёдкорӣ дастуру супоришҳои мушаххас дод.
http://khatlon-ruznoma.tj/
Дигар хабарҳо
-
23-12-2021, 16:14
-
13-07-2021, 03:29
МАЪРӮЗАИ Раиси Кумитаи телевизион ва радиои назди Ҳукумати Ҷумҳурии Тоҷикистоноид ба ҷамъбасти натиҷаҳои фаъолият Кумитаи телевизион ва радиои назди Ҳукумати ҶТ
Кумитаи телевизион ва радиои назди Ҳукумати Ҷумҳурии Тоҷикистон фаъолияти худро дар асоси талаботи...
-
21-12-2021, 12:16
Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон «Дар бораи самтҳои асосии сиёсати дохилӣ ва хориҷии ҷумҳурӣ» 21.12.2021 13:10, шаҳри Душанбе
Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва...
-
26-01-2021, 14:00
-
2-07-2022, 08:08
ОЁ СОЗИШНОМАИ СУЛҲИ ТОҶИКОН АМАЛӢ ШУДААСТ?
Мавод танҳо барои касоне, ки ба ин масъала муносибати касбиву коршиносӣ доранд «… бегумон, матну...
