Дар як сатр
» » Даргузашти профессор Чалишев дар Кӯлоб

Даргузашти профессор Чалишев дар Кӯлоб

14-01-2015, 22:31

Даргузашти профессор Чалишев дар Кӯлоб

Профессор Соат Чалишев, фолклоршиноси пуркор ва муҳаққиқи осори шифоҳии мардуми минтақаи Кӯлоб бар асари бемории тӯлонӣ дар синни 83 аз олам чашм пӯшид.

Ҷанозаи профессор 14 январ дар оромгоҳи «Ҳазоро»-и шаҳри Кӯлоб ба хок супурда шуд. Соат Чалишев адабиётшинос, фолклоршинос, Корманди шоистаи Тоҷикистон, аълочии мактаби олии Иттиҳоди Шӯравӣ, доктори илмҳои филологӣ ва яке аз муҳаққиқони осори шоири маъруф Саидалӣ Вализода буд.

Вай 20 апрели соли 1933 дар деҳаи Шаҳидони собиқ ноҳияи Сари Хосор (ҳоло Балҷувон) ба дунё омадааст. Донишгоҳи давлатии педагогии Кӯлобро соли 1958 хатм карда, аз соли 1958 то соли 2005 дар вазифаҳои муаллим, муаллими калон, дотсент, мудири кафедраи адабиёти тоҷик, декани факулта ва профессори кафедраи адабиёти тоҷики Донишгоҳи давлатии Кӯлоб ба номи Абӯабдуллоҳи Рӯдакӣ фаъолият кардааст.

Аз соли 2005 дар департаменти забонҳои Донишгоҳи байналмилалии гуманитарии Тоҷикистон кор кард. Соат Чалишев 4 монография ва беш аз 100 асари илмию дастурҳои таълимӣ доир ба фолклоршиносӣ, эҷодиёти шоирону адибони тоҷик, гӯишҳо ва эҷоди шифоҳии мардум таълиф намудааст.


Шарҳи хонандагон +

Матолиби дигар:

Махфират Хидирзода муовини раиси вилояти Хатлон таъин шуд

Махфират Хидирзода муовини раиси вилояти Хатлон таъин шуд

Сиёсат, Хабарҳо, НОСИРҶОН МАЪМУРЗОДА
Роҳнамои доно ва устоди шоиста

Роҳнамои доно ва устоди шоиста

Ҷавонон ва варзиш, Маориф ва илм
Армуғони ҷашнӣ: Нашри «Фолклори бачагонаи тоҷик»

Армуғони ҷашнӣ: Нашри «Фолклори бачагонаи тоҷик»

Фарҳанг ва адабиёт, Хабарҳо, Маориф ва илм, ҲАНГОМА ПАҲЛАВОНОВА
Зиндаву ҷовид монд ҳар кӣ накуном зист…

Зиндаву ҷовид монд ҳар кӣ накуном зист…

Маориф ва илм
Даргузашти генерал Азаматов

Даргузашти генерал Азаматов

Хабарҳо